Патнички авион на германската компанија „Еуровингс“, што леташе на релација од Келн до оманскиот град Салалах, принудно слета на аеродромот во Кувајт, поради закана за поставена бомба во леталото.
Како што јави ДПА, веднаш по слетувањето, од авионот од типот „Ербас А330-203“ биле евакуирани сите 299 патници и членови на екипажот.
Во тек е операција на кувајтските безбедносни сили за проверка на леталото.
– Авионот принудно слета на меѓународниот аеродром во Кувајт поради сомнеж дека во леталото би можело да има бомба. Во тек е прелиминарна истрага за да се утврди дали во авионот има експлозив, соопшти кувајтската Аленција за цивилно воздухопловство.
Засега нема повеќе детали за карактерот заканата.