Полицијата во Германија спроведува истрага против лекар кој украл доза на вакцина од центарот за вакцинација, а станува збор за 69-годишен лекар во пензија кој се занимавал со вакцинација.
Тој е осомничен дека украл доза на вакцина, но не за себе, туку за неговата сопруга, пренесува Танјуг.
Имено, докторот ја ставил дозата на вакцината во шприц, ја извадил од салата каде што била извршена вакцинацијата и и ја дал на сопругата, за која рече дека е тешко болна.
Кражбата веднаш била забележана и лекарот бил отпуштен.
Инцидентот се случи на 18 јануари, но сега се појави во јавноста, пренесува весникот „Билд“.