дома Балкан „Главата горе, ние сме со вас“: Вучиќ со порака до Србите во...

„Главата горе, ние сме со вас“: Вучиќ со порака до Србите во Црна Гора

Претседателот Александар Вучиќ им порача на српскиот народ кој живее во Црна Гора денес дека Србија секогаш ќе биде со нив и да ги држат кренати главите, како и дека Србија ќе ги анализира сите одлуки на црногорскиот парламент во наредните денови и нема да носи избрзани одлуки, пренесува Танјуг.

„И во никој случај нема да ги навредуваме оние што ги донеле тие одлуки, и секако против интересите на Србија“, рече Вучиќ во своето обраќање пред граѓаните на Србија и српскиот народ во Црна Гора преку Инстаграм.

„Им велам на нашите што живеат во Црна Гора дека сме со нив, наше е да ја кренеме главата горе, да се бориме и да градиме мир. Да живее Србија и српскиот народ“, рече Вучиќ по повод резолуцијата усвоена од црногорскиот парламент во четвртокот вечерта за забрана за негирање на наводниот геноцид во Сребреница.

„Граѓани на Србија, луѓе, ќе имаме повеќе резолуции и декларации во регионот“, рече Вучиќ.