На 19.04.2018 година во 10.45 часот на улица „Мајка Тереза“ на влез во комплексот клиники пријавено е нарушување на јавниот ред и мир од страна на лицето Ф.К.(37) од Скопје, со викање, дрско и непристојно однесување додека полициски службеник вршел службени задачи на посочената локација и преземал мерки од Законот за безбедност на сообраќајот на патиштата.
Со оглед на тоа дека во дел од медиумите Ф.К. излезе со обвинувања дека полицискиот службеник несоодветно се однесувал, веднаш е известен Одделот за внатрешна контрола, криминалистички истраги и професионални стандарди во МВР. Доколку се констатира непрофесионално постапување на полициски службеници, ќе се преземат мерки согласно законот.