Министерството за здравство распишува конкурс за идеен проект за новата градска болница во Скопје. Ќе се гради во општина Аеродром, на местото на сегашниот „Мајчин дом“, кој функционира како ортопедска клиника.
Конкурсот ќе се спроведува преку Електронскиот систем за јавни набавки, а рокот е до 18 овој месец.
Проектите ќе ги оценува комисија составена од архитекти и професори, а сите трудови ќе бидат изложени во јавноста на 26 јули, на денот на одбележувањето на годишнината од скопскиот земјотрес (1963). На најдобрите проекти Министерството за здравство ќе им додели парични награди.
Во Аеродром би се префрлила старата градска болница која сега е во центарот на Скопје. Тука зафаќа простор од 5.000 квадратни метри, а новата локација има 19.000 квадратни метри.