Се пожестоки се реакциите на граѓаните, по најавите за усвојување на стратегијата со која се предвидува интегрирање на мигранти од блискиот и среден исток, во која се предвидува доделување на Македонско државјанство, вдомување во државни станови кои ќе се градат со народни пари, обезбедување на образование и здравствени услуги, но и вработување
Неколку градови веќе најавија дека размислуваат за одржување на референдум на кој граѓаните ќе се изјаснат дали се за изградба на згради и прифатни кампови во нивните општини, или не.
Прв најави референдум градоначалникот на општина Неготино, Ванчо Апостолов, а реагираа и од Штип и Струга.
Реакциите се жестоки и во Битола, каде како што изјави пратеникот од СДС Васко Ковачевски, на Меџитлија ќе се гради голем прифатен камп. Претходно, согласно стратегијата МТСП побарале од општината и предлог локации за изградба на овие станови.
Помеѓу незадоволните се и граѓаните на Прилеп, кои преку графит му порачуваат на Заев, мигрантите да си ги носи во Муртино наместо во Прилеп.