Познат по спектакуларниот огномет секоја новогодишна ноќ, Сиднеј, Австралија и синоќа имаше со што да ги почасти сите присутни собрани пред Опера хаус. Повеќе од милион и половина луѓе беа присутни во центарот на Сиднеј кога сказалките покажаа полноќ и почна огнометот долг 12 минути.
Во тој момент на мостот се појави „Среќна нова 2018 година“.
Како што пишува „Сиднеј морнинг хералд“, огнометот чинел повеќе од 3,5 милиони евра, а се состоел од 8,5 тони огномет и околу 100.000 други пиротехнички средства и ефекти.
Извршната продуцентка на новогодишната прослава Ана Мекнерни рекла дека организацијата на овој настан траела повеќе од 1 година и дека на организаторите воопшто не им е драго за грешката, но се случува.
На крај сите се насмеавме и решивме да гледаме напред – изјавила таа.
