Ги гледам и нивните платеници во последните денови ја шират оваа теза, дека ќе имало широка коалиција дека СДСМ ќе влегла во Владата, а не се свесни каква огромна разлика во гласови ги очекува на следните избори – изјави Никола Груевски на митингот на ВМРО-ДПМНЕ и коалицијата во Кочани.
Груевски посвети и внимание на тврдењата на Заев пред некои странски претставници дека СДСМ ќе била дел од широка коалиција во Владата. Според Груевски, ова е последниот крик, последниот обид на Заев да го крене неговото членство од депресијата и очајот во која се западнати, свесни за огромниот пораз кој ги очекува.
– Дознавам дека во последните денови, размислувале и заговарале и некои други идеи. Здружувајќи се со некои подземни структури, особен кај албанските радикали, кај порадикалните структури на Албанците во Македонија, разговарале за некакво полнење на кутии. Заедничко, договорено незнам какво. Сакам да им порачам да не си играат, затоа што потоа ниту цела Албанска дијаспора од цела Швајцарија и од цел свет да ги спаси од овој народ! – изјави лидерот на ВМРО-ДПМНЕ Никола Груевски на митингот во Кочани.
