Екс-премиерот Никола Груевски остро го критикуваше договорот помеѓу Скопје и Атина околу името Македонија, тврдејќи дека називот „Северна Македонија“ го одбил уште во 2009. година
„Јавно отфрлено во 2009. – денес прифатено, но во далеку полоша верзија. Не само за надворешна, туку и за внатрешна употреба, со промена на уставот, одрекување од дијаспората, историјата на АСНОМ, Илинденското востание и идентитет“, напиша Груевски на Фејсбук.
Реакцијата на Груевски следи по два дена откако премиерите на Македонија и Грција, Зоран Заев и Алексис Ципрас постигнаа договор околу новото име – „Република Северна Македонија“.
Против ова „решение“ се противи опозицијата во двете држави, а Македонскиот претседател Ѓорѓе Иванов најави дека нема да потпиш закон со кој ова решение би станало правосилно.
