Претседателот на ВМРО-ДПМНЕ Никола Груевски утринава присуствуваше на молитва која се одржа во чест на муслиманскиот празник Курбан Бајрам во централната џамија во Шуто Оризари.
Денес муслиманските верници го празнуваат празникот Курбан Бајрам и џамиите се преполни уште од раните утрински часови.
Груевски на присутните верници им го честита празникот посакувајќи им добро здравје, успех, и просперитет во семејствата. Тој им посака благодет и убаво празнично расположение.
