Грција се подготвува за изградба на прифатни центри за бегалци од Македонија во случај на граѓанска војна во земјава. Камповите би биле лоцирани во Кукуш и во нив бегалците би останале додека не се смири ситуацијата во Македонија.
Весникот „Елефтерос типос“ пишува дека „компетентни служби“ во Грција разработиле планови за вонреден прием и сместување на бегалци од Македонија.
Плановите вклучуваат отворање кампови кои би примиле голем број бегалци од Македонија во случај на граѓанска војна и за кои се проценува дека би ја поминале границата со Грција. Наводно, веќе се определени и локации за ваквите кампови.
Во кусата информација уште се додава дека не се знае кога ќе заврши политичката криза во земјава.
