Плакати со фотографиите на пратениците кои ја поддржуваат ратификацијата на Преспанскиот договор и со порака „Ти ќе ја предадеш нашата Македонија“, се појавија во градовите во Грција, пренесува ТВ21.
Плакатите се појавиле во Солун и во другите градови на северот на Грција, а медиумите пренесуваат дека полицијата уапсила четири лица, од кои две се пуштени на слобода, а две ќе излезат пред јавниот обвинител.
Грчкиот параламент вчера и денеска расправа за доверба на владата и доколку премиерот Алексис Ципрас добие поддршка, се очекува ратификацијата на Преспанскиот договор да биде на агенда во парламентот на почетокот на следната недела.