Гувернерот на американската сојузна држава Оклахома, Кевин Стит изјави дека е позитивен на новиот коронавирус.
Тој е прв лидер на една американска држава, за кој се знае дека е заразен со Ковид-19.
– Се чувствувам добро. Малку сум истоштен, немам температура, објасни гувернерот, додавајќи дека се наоѓа во самоизолација, одвоен од семејството и планира да продолжи да работи од дома.
Стит ги повика граѓаните на Оклахома да се тестираат доколку почувствуваат какви било симптоми.