- Advertisement -
- Advertisement -
Статистичките податоци покажуваат дека се намалува индустриското производство во Македонија.
Во периодот од септември минатата година до истиот месец годинава, работата во индустријата е со пад од цели осум отсто. Ваква состојба покажуваат податоците на Државниот завод за статистика.
Бројките се неповолни. Капиталните производи се намалени за 41 отсто, а сериозен пад од 15 отсто има и кај преработувачката индустрија.
Извештајот покажува дека намалување од 4,7 отсто има кај производството на храна, Производството на текстил е намалено за 41, а на облека за скоро 23 отсто.
Производството на метали пак има намалување од 16 отсто, а производството на машини и компјутерски делови бележи намалување од близу 44 отсто.
