Кога Даниел Кајмакоски пред неколку години се претстави на „Икс –Фактор“, тој беше целосно непознат за домашната публика, а со успехот и импресиите кои ги остави таму, дополнително ги освои симпатиите.
Откако стана татко и се реализираше во улогата на родител, Даниел музичката кариера ја стави во мирување, а иако обожавателите од него се во постојано исчекување на нова песна, Даниел очигледно се уште не ја избрал или создал вистинската нумера.
Познато е дека пред да стане познат Кајмакоски долги години живееше и работеше во Виена –Австрија, а сега преку социјалните мрежи откри дека повторно заминал таму.
На својот профил тој објави фотографија со австрискиот рапер Раф Камора, а обожавателите веднаш му продложија да сними дует со овој познат австриски музичар.
Кои му се плановите на Даниел и што повторно го врати во туѓина, останува да видиме.
Тој и во минатото го криеше својот приватен живот, па не зборуваше многу за својата љубов, па токму веста дека ќе се жени и ќе стане татко ги изненади многумина.
Синот на Кајмакоски во февруари ќе наполни две години, а се повеќе личи на неговата мајка односно сопругата на Даниел.
“Откако се роди Давид мојот живот доби комплетно нова димензија. Уживам во времето кое го минувам со него и максимално сум му посветен. Многу сме блиски и поврзани, се трудиме колку можеме почесто времето да го минуваме во природа, играме игри, сакам да има детство какво што сум имал и јас, без мобилни телефони и технологија”, вели Кајмакоски кој во септември ќе промовира нов проект.