Џими Барка, легендарниот Флојд, симпатичниот Прле, шармерот Попај, дивиот Влав-Алија, градскиот витез-Урке и уште многу ликови по кои секогаш ќе го паметиме бардот на српското глумиште-Драган Николиќ. Денеска се навршуваат две години од неговата смрт и семејството и неговите пријатели ќе го посетат неговиот гроб во Алејата на заслужните граѓани во Белград.
Драган и неговата сопруга Милена Дравиќ се запознале во 1972 година кога заедно ја воделе шоу-програмата „Образ уз образ“ и на една пауза меѓу снимањата на емисиите, на 31 декември отишле во општина да се венчаат. Милена до последниот ден беше до нејзиниот сопруг и се грижеше за него.
Таа во денешните српски весници објави некролог по повод две години од смртта на нејзиниот Гаги.