Повеќе од две третини од Грците се противат на користењето на терминот „Македонија“ во новото име на Р.Македонија, покажува најновата анкета која ја спровел Универзитетот Македонија и Институтот ЕЛИАЕМ (Хеленска фондација за европска и надворешна политика)
Конкретно, бројките покажуваат дека 71.5% од испитаници против користење на терминот „Македонија“, 22.5% се сложуваат, а шест проценти од испитаниците не сакале да одговорат.
Истовремено, 56% од испитаниците сметаат дека премиерот на Грција Алексис Ципрас во решавањето на ова прашање не се носи исправно со ситуацијата, а 26.5% сметаат дека постапува правилно.
Што се однесува до лидерот на грчката опозиција, претседателот на Нова демократија Киријакос Мицотакис, 54% од испитаниците сметаат дека имаат погрешен став за спорот со името, додека неговата работа околу 21.5% испитаници го оцениле како позитивен.
Слична е ситуацијата и со министерот за надворешни работи на Грција, Никос Коѕијас, каде 47% од испитаниците сметаат дека неговите одлуки не се адекватни, а 26% сметаат дека се исправни.
Во Атина денес е одржан масовен протест поради потенцијалниот компромис на Грција со властите во Скопје за официјалното име Македонија.
Според податоците на агенцијата АНА, присуствувале околу 140.000, а 283 автобуси пристигнале во Атина, довезувајќи луѓе од цела Грција на протест.