Сеуште нема никаква одговорност за скандалот во врска со објавената збирка на стихотворби финансирана од Агенцијата за млади и спорт, во која нецензурирано се ширеше албанофобија, сексизам и вулгарност
Голем број на интелектуалци, граѓани и невладини организации бараат одговорност од Дарко Каевски, директор на Агенцијата за млади и спорт, поради скандалот кој минатата недела ја вознемири јавноста.
Во стихозбирка финансирана од Агенцијата со народни пари, беа објавени скандалозни стихотворби во кои отворено се ширеше албанофобија и сексизам, кои се граничеа со говор на омраза.
Ваквата ситуација не го поколеба ниту Зоран Заев да побара одговорност од Каевски, кој освен морална, изјави дека не чувствувал било каква друга одговорност.
