Партијата ДОМ го осудува вандалското однесување на посетителите во објектот на Македонскиот народен театар и бара од надлежните институции ефикасно разрешување на овој случај и соодветно санкционирање на сите инволвирани лица.
– Капацитетите на установите од областа на културата не треба да се користат за организирање настани со кои се руши угледот и се нанесува материјална штета на овие институции. Установите од областа на културата се бастион на уметноста и културата. Тие се јавно добро и им припаѓаат на граѓаните и на идните генерации. Затоа, должни сме да се однесуваме кон нив со достоинство и почит и да ги чуваме од уништување и вандализам – стои во партиското соопштение.
Во соопштението исто така, се посочува дека негувањето на културата и уметноста е од посебно значење и приоритет за секоја држава.
-Културата играла и ќе игра клучна улога во зачувувањето и промовирањето на вистинските етстетски и културни вредности, образованието и воспитувањето на идните генерации, зачувувањето на идентитетот и промоцијата на државата надвор од нејзините граници – наведе ДОМ во соопштението.