Бројот на потврдени случаи на инфекција со корона вирус во светот надмина 119,22 милиони, што е зголемување за повеќе од 461 илјада дневно, соопшти Светската здравствена организација.
Според податоците објавени денеска од СЗО, бројот на смртни случаи е зголемен за повеќе од 8.400, надминувајќи 2,64 милиони починати пациенти.
Повеќе од 44 отсто од заразените, според податоците на СЗО, во изминатите 24 часа се потврдени во Северна и Јужна Америка (205.572), потоа следува Европа (176.241) и Југоисточна Азија (31.601).