Беспилотно летало што удри во фабрика за нафта во главниот град на Саудиска Арабија, Ријад, предизвика пожар во тој објект, објави саудиската државна новинска агенција.
Нападот во зори не предизвика повреди или штети и не ги наруши испораките на нафта, според официјалната саудиска прес-агенција, пренесува Ројтерс.
Деталите за нападот се малку, а властите не го именуваа погодениот објект, ниту ги обвинија Хутите за нападот, додава Ројтерс.
Неколку часа претходно, воениот портпарол на Хути изјави дека групата испратила шест беспилотни летала во неименуваната фабрика „Арамко“ во Ријад, без да обезбеди докази за, како што рече, „удар со голема прецизност“.