Вело Марковски, инфектолог во своето гостување во телевизија 24 зборуваше за корона вирусот при што посочи дека од оваа ситуација треба да се сфати дека треба да се инвестира во здраството и здравствениот систем и докторите кои се спремни и обучени треба да се задржат да останат во државата.
-Од целата оваа ситуација ќе излезат многу нови состојби секако и општествени и политички и економски и може ќе почнеме да сфаќаме дека во здравството треба да се инвестира, дека наши многу добри доктори спремни, обучени заминуваат во странство, а ние не можеме да најдеме да ги задржиме. На лекарите не треба да им се дава аплауз, треба да им се покачата плати на здравствени работници и тие треба да се заштитат.