Вчера (8 април) околу 16 часот и 20 минути, полициски службеници на СВР Тетово-Одделение за внатрешни работи Гостивар, во гостиварско Дебреше, го лишиле од слобода 53-годишниот М.С. од ова село.
-Лицето дваесетина минути пред тоа над селото во месноста „Силиндар“, физички го нападнал неговиот 30-годишен соселанец Ф.М. Според пријавеното, М.С. извадил пиштол што го поседувал без дозвола. Пиштолот „валтер“ калибар 9 милиметри со рамка со 6 куршуми му е одземен, информира портпаролот на СВР Тетово, марјан Јосифоски.
Се расчистува случајот и по целосно документирање на М.С. ќе му бидат изготвени соодветни поднесоци.