Кралот на народната музика Шабан Шаулиќ, кој во новата сезона премина од жирито на ,,Ѕвездите на гранд“ во жирито на ,, Пинкови ѕвезди“, открива зошто стави точка на дружењето со колешката Ана Бекута и на што му замерува на композиторот Драган Стојковиќ-Босанац.
– Ана и Босанац во последниот серијал на ,,Ѕвездите на гранд“ ги бојкотираа учесниците кои ги пееја моите песни. Не сакаа да гласаат за момчињата кои ги пееја моите хитови, а тоа не е во ред. Тие не им наштетуваа на мене, туку на натпреварувачите. Имаше тука многу момчиња кои солидно пееја а тие им се потсмеваа. Двајцата преку оценување индиректно зборуваа за моите песни-вели Шабан.
– Ма тоа се комплекси бидејќи многу се пееја моите песни. Поради тоа им проработе човечката љубомора, но нека им служи на чест-вели Шабан, кој со Ана не беше само колега туку и пријател.