Агентот на фудбалерот од средниот ред на Челзи, Жоргињо, откри дека италијанскиот репрезентативец е отворен за повторна соработка со Маурицио Сари, овој пат во Јувентус.
Поранешниот тренер на Наполи го донесе својот поранешен фудбалер на „Стемфорд Бриџ“ во текот на единствената сезона која ја помина во Лондон. Родениот Бразилец настапува во тимот под водство на Лампард, но искрено сака да се врати во Италија.
Неговиот агент навести дека Жоргињо може да побара враќање во Италија доколку „бјанконерите“ изразат желба да го ангажираат.
“Зошто да не? Сигурен сум дека ќе пристигнат некои големи понуди “, рече неговиот агент во изјава за италијански медиуми.
Тој дополни дека Жоргињо најпрво ќе сака настап на ЕП 2020, а потоа ќе размислува за евентуален трансфер.