Германија планира да ја продолжи забраната за влез на граѓани од земји кои не се членки на Европската унија до 31 август, тврдaт неименувани извори од германската влада за Ројтерс, а таква одлука наводно ќе биде донесена утре, пренесува Б92.
Германија ќе ја укине забраната за патување за земјите членки на Европската унија и Велика Британија, Исланд, Норвешка, Лихтенштајн и Швајцарија од 15 јуни, освен ако не постои забрана за влез во тие земји и обемни рестриктивни мерки.