Бугарскиот европратеник, Ангел Џамбаски во утринското гостување на „Bulgaria on Air“ за македонскиот премиер изјави дека: Заев е типичен бугарски политичар – зборува она што секој сака да го чуе – едно кај нас, друго во Грција, трето во Македонија, каде што му претстои референдум за името на Македонија – пренесуваат бугарски медиуми.
-Заев користи политички речник во време кога треба да го добие референдумот – вели европарламентарецот и член на бугарската партија ВМРО, кој инаку повтори дека Бугарија е заинтересирана за влез на Македонија во НАТО и во ЕУ.
Како што пренесува порталот „Nоvini.bg“ тој уште додава дека треба да се отстрани границата помеѓу Македонија и Бугарија.