Во врска со написот насловен со „ Заев: Aко нема согласност од опозицијата, попис нема да се одржи”, објавен на вашиот портал, Владата на РепубликаМакедонија наостро демантира дека премиерот Зоран Заев дал изјава на која се повикувате во насловот на текстот.
Денеска на настан во Тетово, на новинарско прашање дали ќе се реализира пописот ако опозицијата одбие да даде согласност, премиерот Заев одговори: „ И власта ако одбие да даде согласност, пописот ќе се реализира. И опозицијата ако одбие да даде согласност, пописот ќе се реализира. Ако не го реализираме во април, есента имаме избори, 2022 е веќе доцна.”
Со ова тој јасно укажува дека статистичката операција ќе биде спроведена според планот што е целосно спротивно од она што го наведувате во насловот и во дел од текстот.