Зимницата за многумина е незамислива без ајвар, кој може да се приготви во бројни варијанти, но овој рецепт ќе ве воодушеви.
Состојки:
5 кг црвени пиперки
1 кг козјо сирење (постаро)
1 врзоп листови од магдонос
1 помала главица лук
2 дл масло
Приготвување:
Испечете ги пиперките на плотна или рингла, па покријте ги со фолија или со кеса за полесно да ги излупите.
Потоа, исчистете ги од семките и од петелките, па искинете ги по должина како запинџур.
Оставете ги да се цедат прекуноќ.
Исцедените пиперки префрлете ги во тенџере, додајте ситно сечкан лук и масло и добро пропржете.
На крај, додајте ситно сечкан лист од магдонос и издробено козјо сирење.
Врелиот ајвар сипете го во врели тегли, затворете ги и завиткајте ги во ќебе, па оставете ги така да се ладат (обично околу 24 часа).