Русија има право да одговори со иста мерка на протерувањето на двајца руски дипломати од Бугарија, соопштила портпаролката на руското Министерство за надворешни работи, Марија Захарова.
“Уште еднаш ја повикуваме официјална Софија да престане да учествува во кампањата за лов на вештерки која нанесува штета на националните интереси на самата Бугарија. Време е да се вратиме на конструктивната билатерална агенда, која е поприродна за односите меѓу Русија и Бугарија”, се наведува во соопштението на Захарова.
Таа забележала дека во Бугарија ескалирала антируска “шпиономанија”, како се доближува 4-ти април – датумот за парламентарни избори.
Потсетуваме, вчера Министерството за надворешни работи на Бугарија прогласило двајца руски дипломати за персона нон грата.
