Преку социјалната мрежа Фејзбук за вечерва е најавен протестен марш во Битола од 18 часот од плоштадот „Магнолија“.
Во објавата за протестот е напишано: „Доста беше одржување некаков си “мир” со духот на млакоста, доста беше рамнодушност која му е во целосен прилог на тие кои сакаат да ги остварат своите задни планови и цели во кој народот се сомнева и има право да ја знае вистината“ стои во текстот.
И се вели дека доста е од забрани и поделби, услови и претење со цел наметнување на прислна вакцинација. Велат дека протестот нема ниту политички, ниту национален, ниту религиозен каратнер и е со цел да се почитува сопствениот избор.
Во август беа одржани неколку протести во Битола, а на еден од нив се вареше и пиеше кафе на плоштадот, во знак на протест заради тогаш донесените ограничувања за влез во угостителските објекти.
