Две одделенија од ОУ „Лазо Трповски” од општина Карпош се ставени во изолaција откако вчера било потврдено дека две деца од прво одделение се позитивни на ковид-19. Во изолaција се и три наставнички кои предавале во одделенијата.
Ова за „Слободен печат“ го изјави мајка на првооделенец која од вчера е во сaмоизолација.
– Вчера околу 11 часот ни беше кажано дека во одделението на син ми има дете позитивно на ковид-19. Сега сите сме во сaмоизолација заедно со едната наставничка, додека другата бидејќи немала директен контакт со детето, не е во изолaција, вели мајката, која не крие дека се плaши за здравјето на сопственото дете и апeлира да се размисли за можноста сите деца да следат он лајн настава.