Иво Котески Директор на центарот за комуникации на ВМРО ДПМНЕ за „Правец“ вели дека Македонија се соочува со голем проблем во овој момент. Како вели, станува збор за големи промени и идентитетот кој Заев сака да го промени.
-Постојат различни информации и предлози. Некои сакаат да помине време и да постои договор кој ќе и помогне на Македонија да го продолжи својот пат а да не го промени името и идентитетот-вели Котески, пренесуваат српски медиуми.
Тој додал дека ситуацијата е комплицирана а дека во Собранието имало драма.
-Седницата беше закажана и не успеа да се обезбеди двотретинско мнозинство. По сето тоа, се гласаше во 22 вечерта. Цел ден траеше драмата и тензиите, а собранието беше обиколено со специјалци. Се она што не е по европски стандарди-објасник Котески.
Осум пратеници, додал тој, не го издржале притисокот кој е вршен над нив со месеци, па ја изневериле партијата и сопартијците. Тие го изневериле, вели Котески, и Македонскиот народ. Покрај притисокот на референдумот, притисок од Меркел, и многу официјални лица и членови на ЕУ, народот не дал легитимитет помеѓу премиерот Заев и Ципрас – истакнал Котески.
Сепак, факт е дека и премиерката на Велика Британија, Тереза Меј, го поддржува влезот на Македонија во ЕУ и НАТО, иако ВБ пред две години почнала излез од ЕУ..
-Ние на ниту еден странски државник не можеме да му замериме тоа што го пропагираат-смета Котески, пишува пинк.рс. меѓудругото, додавајќи дека кажал и оти западните лидери бараат овој договор да пројде бидејќи ги интересира Република Македонија да пројде во НАТО и ЕУ, бидејќи тие не знаат колкава е цената на тој Преспански договор.
-Тие сакаат Македонија да нема пречки за членство, но не ги интересира која е цената која ние ја плаќаме со овој договор-објаснува Котески.
Котески верува дека Заев би бил принуден на вонредни и парлментарни избори, а анкетите покажуваат дека тој тогаш би бил поразен.
-Ние тогаш би имале најмногу ингеренции и би можеле да ги пропагираме своите ставови за кои се бориме-додава Котески.