Боби Темелков, Претседател на Светскиот Македонски Конгрес упати апел доо Македонците од дијаспората да се обединат и да го откупат земјиштето во Република Македонија кое Владата го стави на продажба за цена од 0.25 € до 1.00€.
„Македонија се продава од 0.25 € до 1.00€ евра по метар квадратен, колку земјиште можеме да купиме ние Македонците по род и државјанство од светот и Македонија ако се обединиме ? Дали треба да направиме фонд за откупување на Македонско земјиште за да ја оставиме оваа света земја во рацете на Македонскиот народот!“, пишува Темелков на фејсбук.
Ваквата иницијатива на Темелков доаѓа по најавата за новиот Закон за продажба на дежавно земјиште со кој се планира продажба на илјадници хектари државно земјоделско земјиште. Се планира продажба на државна земја која е дадена под закуп по цени кои се движат од 0,20 до 1 евро по квадрат, како и огромна површина слободно земјоделско земјиште по пат на јавно наддавање со почетни цени кои не надминуваат 1 евро за квадрат.
