Италија годинава ќе издаде специјална паричка, во апоен од две евра, со која ќе изрази благодарност на здравствениот сектор посветена на лекари, медицински сестри и здравствени работници кои се соочија со пандемија на ковид-19 во болниците во таа земја, објави Министерството за економија на Италија.
Паричката ќе ги содржи и иницијалите на авторот на скицата, Италијанката Клаудија Момони.
„Министерството одлучи на овој начин да им се заблагодари на сите здравствени работници што толку напорно работеа и работат за нашето здравје и за нас. Затоа оваа паричка ми е толку драга“, изјави Момони за Ројтерс.
Монетата, која ќе биде законско средство за плаќање и од која ќе бидат ковани три милиони парчиња (во вредност од шест милиони евра), е дизајнирана со фигури на, маж и жена, кои претставуваат здравствени работници што носат маски, и е испишан натпис „Благодарам“.
Три милиони такви монети ќе бидат дистрибуирани во мај или јуни, а неколку илјади оригинални копии може да се купат како колекционерски предмети.
Oд почетокот на пандемијата, која веќе однесе животи на повеќе од 85.000 луѓе во земјата, и на повеќе од триста здравствени работници.