Каков е планот по смpтта на кралицата Елизабета?

Поврзано

- Advertisement -
- Advertisement -

Планот на Владата на Велика Британија во случај на смрт на кралицата Елизабета Втора предвидува „затемнување“ на социјалните мрежи и забрана за ретвитови.

Тајните документи, со кодно име „Операција Лондонски мост“, до кои имаше пристап „Политико“, откриваат планови за погребот и дали владата има доволно ресурси да го прочита планот и да го спроведе.

Стратегијата за социјалните мрежи има клучна улога, а тоа го вклучува планот да се направи црна бојата на официјалната веб – страница на кралското семејство и да има само кратка објава за смртта на кралицата.

Исто така, сајтовите на владата и институциите, како и страниците на социјалните мрежи ќе имаат црн банер. Нема да се објавува не-итна содржина, а ретвитови ќе бидат забранети, освен ако не е поинаку одлучено.

Во документите се наведува и дека ковчегот со телото на кралицата ќе биде префрлен од Бакингемската палата во Вестминстерската палата, каде што ќе биде поставен на пиедестал и ќе биде отворен 23 часа дневно во наредните три дена.

Важните личности ќе имаат специјални пропусници и одредено време кога ќе можат да и оддадат почит на кралицата.

Државниот погреб ќе се одржи десеттиот ден по нејзината смрт и ќе биде прогласен ден на жалост, кој нема да се слави како национален празник.

Затоа, доколку падне во работен ден, работодавачите ќе имаат право да им дадат слободен ден на своите вработени, а доколку тоа е за време на викендот, вработените нема да имаат право на дополнителен слободен ден.

Да потсетиме, детали за познатата операција „Лондонски мост“ истекуваа и претходно.

Според тој план, премиерот ќе биде информиран за смртта на кралицата со зборовите „Лондонскиот мост падна“. Тој код ќе започне цела серија настани и процедури за тоа како вестите ќе се соопштат на јавноста.

Иако протекоа нови информации, се чини дека 95-годишната кралица е во добра здравствена состојба и нема индикации дека овие планови биле итно ревидирани.

Медиумите потсетуваат дека планот за операции „Лондонски мост“ и „Пролетна плима“, кој содржи протокол за устоличување на принцот Чарлс, детално образложуваат што и како треба да се направи.

Документите исто така навестуваат страв во случај да нема доволно луѓе да чуваат се според протоколот. Имено, постои страв дека граѓаните би можеле да се налутат што знамињата на владината зграда не биле спуштени на половина копје десет минути по објавувањето на смртта на кралицата, бидејќи нема офицер за знаме.

Документот, исто така, ги изрази стравувањата на Министерството за надворешни работи за тоа како да им се дозволи на голем број туристи да влезат, како властите ќе реагираат во случај на закана од терористички напад или во случај многумина да одлучат да дојдат во Лондон за да оддадат почит на кралицата.

Сите вклучени во спроведувањето на планот во случај на смрт на кралицата Елизабета Втора, денот на нејзината смрт ќе го наречат „Ден Д“, и секој ден до погребот ќе се вика „Ден Д+1 “, „Ден Д+2 ден “, и така натаму, до моментот на погребување.

Да потсетиме, сопругот на кралицата, војводата од Единбург, принцот Филип, почина во февруари, а потоа започна акцијата „Четвртиот мост“.

Latest News

Богата агенда:Со кого ќе се сретнат денес Ковачевски и Османи во Софија?

Владата ја објави денешната агенда на Премиерот Ковачевски, министерот за надворешни работи, Бујар Османи и останатиот владин состав. "Вечерва заврши...

More Articles Like This