Минералите имаат големо значење за нашиот организам, а нивната улога е незаменлива за нашето здравје и имунитет.
Меѓу нив, според важноста се издвојува железото.
На нашето тело му е потребно железото поради тоа што со негова помош создава хемоглобин, а со чија помош се пренесува кислородот низ телoто.
Доколку телото не произведува доволно хемоглобин, нашите ткива и мускули не можат да добијат доволно кислород и не работат како што треба, а потоа настанува и општа слабост и замор. Таквата состојба може да доведе и до анемија.
Внимавајте на следните симптоми доколку мислите дека на телото му недостасува железо.
Замор
Најчестиот симптом на недостаток на железо е општ замор на телото. Тоа е така поради недостаток на кислород кој оди до ткивата.
Бледило
Бледило во подрачје на лицето, во пределот на очите, па дури и ноктите може да биде знак на недостаток на железо.
Краток здив
Уште еден знак за недостаток на железо е краткиот здив, со оглед на тоа дека ниското ниво на хемоглобин значи дека телото не е во состојба да пренесе кислород до мускулите и ткивата.
Главоболка и вртоглавици
Тоа може да биде уште еден знак на недостаток на железо. Недостатокот на хемоглобин може да значи недоволно кислород во мозокот, што влијае крвните садови да отечат и создадат притисок.
Сува и оштетена коса и кожа
Косата и кожата можат да добијат помалку кислород од крвта како недостаток на железо, што ги прави посуви и пооштетени.
Немирни нозе
Луѓето коишто патат од анемија како недостаток на железо имаат синдром на немирни нозе што значи имаат силен нагон на поместување на нозете додека се одмараат.