Ако продолжуваат да се однесуваат како држава што и е ментор на Бугарија и ги определуваат условите, мислам дека уште долго време ќе почекаат, изјави бугарскиот вицепремиер Красимир Каракачанов, во интервју за БТВ, одговарајќи на прашањето за односите со Македонија.
-Бугарија има право да побара од земјите кандидатки за членство да исполнуваат одредени услови. Еден од условите е нашата национална сигурност. Нема како понатаму со инаетот што го гледаме во Скопје. Велат „ние сакаме“, ама па и јас можеби многу работи сакам во животот, ама не можам да сакам нешто што не е мое. Тие пак сакаат се и претендираат за бугарската историја, при тоа без да се извинат за тормозењето на Бугарите, вели Каракачанов.
Тој додаде дека во јавноста темата за Македонија ќе биде уште поактуелна претстојниот период.
