Косовскиот претседател Хашим Тачи денес побара од косовската влада да го почитува советот на САД во врска со неодамна воведените такси за производи од Србија и Босна и Херцеговина
Тој вели дека американските совети не треба да му штетат на Косово, туку да го зајакнат.
„Актуелните случувања и некои активности на институциите, американската влада ги следи со загриженост. Оваа ситуација е за жалење. Затоа сега е време да ги почитуваме американските пријателски совети кои имаат за цел зајакнување на државата Косово и мир во регионот“, напиша Тачи на Фесјбук.
Стејт департментот на крајот на минатата година побара од косовскиот премиер Харадинај да ги укине таксите.
Истото барање е повторено на косовските лидери во амбасадите во Приштина, и кажано е дека САД бараат итна суспензија на таксите, пренесува „Газета експрес“.
„Соединетите Држави го повикаа косовското раководство трајно да ја укине таксата на стоките од Србија и Босна и Херцеговина. Како што кажавме, не гледаме никаква корист од ваквите мерки. Силно охрабрување на обновување на суштинските цели на Косово – европска иднина и нормализација на односите со Србија“, се наведува во одговорот на американската амбасада за „Коха Диторе“.