Турскиот претседател Реџеп Таип Ердоган на митингот во Сараево ги повика своите симпатизерите да гласаат на претседателските и парламентарните избори во Турција за него. На настанот присуствувапе и претседателот на претседателството на Босна и Херцеговина, Бакир Изетбеговиќ, кој го нарече својот гостин “Божјиот пратеник”.
Во Турција ќе се одржат предвремени претседателски и парламентарни избори на кои Ердоган во се обидува да го привлече гласот на милиони Турци кои живеат во земјата и Западна Европа, а имаат право на глас во Турција.
Германија, Австрија и Холандија ги забранија митинзите на Ердоган на нивната територија , но во Босна, Ердоган доби зелен светло и одржа свој митинг на кои допатуваа луѓе од цела Европа.
Влезот на Ердоган во салата “Зетра” беше поздравен од страна на неговите подржувачи со громогласен аплауз, со турски знамиња и неговите фотографии.
Турскиот претседател ги критикуваше западноевропските држави за забрана на собирите на неговите поддржувачи.
БиХ е, за разлика од нив, е навистина демократска земја, рече Ердоган и ја истакна историската врска помеѓу двете земји.
“Народот во Босна и Херцеговина покажа дека нашиот век на пријателство и другарство трае и ќе продолжи да трае”, рече Ердоган, додавајќи дека времето кога Турција треба да и покаже сила на цела Европа.