Киев ја предупреди Москва за “геополитички последици” ако Гаспром ги прекине гасните транзити низ територијата на Украина.
“Ако нема транзит низ територијата на Украина, тогаш веројатноста за целосен конфликт помеѓу Русија и Украина исто така се зголемува. Европските политичари треба да ги разберат не само економските последици за Украина, туку и геополитичките последици за целиот свет , изјави комерцијалниот директор на главната украинска гасна компанија Нафтогаз Јуриј Витренко за телевизискиот канал 112 на Украина.
Договорот за транзит на гас помеѓу Киев и Москва истекува во 2019 година. Гаспром во вторникот рече дека договорот нема да биде продолжен под никакви околности. Компанијата додаде дека транзитот на гас може да продолжи, но само ако Украина ги обезбеди потребните услови за тоа.
“Сега топката е на украинската страна. Тоа треба да ја оправда економската привлечност и можноста за транзит преку Украина”, рече заменик-претседателот на управниот одбор на “Газпром” Александар Медведев.
Русија сакаж да го прекине транзитот на гас преку Украина и повторно да го насочи преку проширувањето на постојниот гасовод Норд стрим од Русија до Германија под Балтичкото Море. Москва вели дека Киев се покажа како несигурен партнер во транзитот на гас во текот на годините. Дел од гасот во Европа, исто така, би можеле да дојдат преку гасоводот Турски тек, кој моментно се гради.
Кога ќе завршат двата цевководи, транзитот низ Украина се очекува да падне за повеќе од 80 отсто, според извршниот директор на Гаспром, Алексеи Милер. Тој додаде дека Газпром нема намера да им помогне на соседните земји да ги вратат своите економии на сопствен трошок.