Кина откри огромно наоѓалиште на нафтени шкрилци од 1,26 милијарди тони

- Advertisement -

ПетроКина, подружница на кинеската Национална нафтена корпорација (CNPC), откри големи резерви на нафтени шкрилци во најголемото нафтено поле во земјата, Дакинг, во североисточната провинција Хејлонџијанг. Според „ПетроКина“, главните истражувачки бунари покажале стабилно пробно производство на ниво од 30 кубни метри нафта дневно, вклучително и бунарот Гуџа, каде што производството за повеќе од 500 дена истражување изнесувало повеќе од 6.000 тони сурова нафта.

„Проценетите геолошки резерви на нафтени шкрилци во полето Дакинг-Гулонг надминуваат 1,26 милијарди тони“, објави компанијата на својата сметка на кинеската социјална мрежа Веибо, пренесува Раша Тудеј.