Поразителни бројки покажуваат мерните станици кои го мерат загадувањето ширум државата. Ниту снегот, ниту ветерот не го решија најгорливиот проблем на граѓаните кои власта и надлежните институции не се ни трудат да го решат.
Овој пат најзагаден град во Македонија е Кичево со ниво на пм честички дури 13 пати над дозволеното. Имено количеството на пм честички во Кичево изнесува 661 микрограми на метар кубен, додека дозволената количина е 50 микрограми на метар кубен.
И во главниот град Скопје, состојбата е загрижувачка каде загадувањето е 7 пати над дозволеното.
Во Македонија илјадници граѓани годишно се директна жртва на аерозагадувањето. Светската здравствена организација предупредува дека над 3 илјади граѓани годишно ги губат своите животи благодарение на загадувањето. Решение на овој проблем власта се уште нема.