Велика Британија и Европската унија конечно постигнаа трговски договор само една недела пред крајот на преодниот рок за Брегзит и повеќе од четири години откако Британците гласаа за напуштање на блокот.
Преговарачите од Велика Британија и ЕУ работеа доцна во ноќта за да го финализираат договорот, а европски извори велат дека договорот е „неизбежен“, освен ако не се случи „изненадување во последен момент“.
Сепак, објавувањето на одлуката беше одложено до рано утрово откако британскиот премиер Борис Џонсон и претседателката на Европската комисија Урсула фон дер Лајен разговараа по телефон за „последната финеса“.
Велика Британија се повлече од ЕУ во јануари и имаше рок до 31 декември да постигне трговски договор со Брисел. Сепак, скоро една година, преговорите не се движеа од ќор-сокак за три клучни прашања за кои ниту една од страните не сакаше да попушти – риболов, еднакви права и управување.
Пред денешниот драматичен епилог во фото-финишот, и Лондон и Брисел ги подготвија граѓаните да бидат „подготвени за сите сценарија“, бидејќи има малку шанси да се постигне договор.
Договорот сега ќе треба да го ратификуваат британскиот парламент, Европскиот парламент и сите 27 земји-членки на ЕУ.