Тендерот за изградба на Универзитетски Клинички Центар „Мајка Тереза“ во Скопје, е објавен во официјалниот гласник на Европската унија, а по спроведување на законските процедури, градежните работи ќе отпочнат на почетокот на 2017 година. Предвидено е да завршат до крајот на 2021 година, односно рокот на изведба е 45 месеци, со гарантен рок од 12 месеци.
Во текот на градбата, нема да се дозволи во ниеден момент да се загрози работата на клиниките во кампусот, посочи министерот за здравство Никола Тодоров и додаде дека ова е долго очекуван проект кој што претставува круна во низата инвестиции во здравството направени во минатиов период.
Погледнете како ќе изгледа новиот Клинички центар во Скопје.
