Само пред неколку месеци германската канцеларка Ангела Меркел се сметаше за нов лидер на слободниот свет. Сепак, во овие моменти не е лесно да се гради сопствен пат дури ни во Берлин и во Европа. Се чини дека деновите на Германската доминација завршуваат, вели германскиот “Шпигел”.
Канцеларка Ангела Меркел свика таен состанок на лидерите на владината коалиција на кој разговараа за ситуацијата во светот, пренесува весникот “Шпигел”. На средбата присуствувал министер за финансии, Олаф Шолц и министерот за надворешни работи на Хејко Мас левоцентристичките претставници на Социјалдемократската партија, како и министерот за внатрешни работи, Хорст Зехофер и министерот за одбрана, Урсула фон дер Лајен. Средбата траела четири часа.
Тие зборувале за “застрашувачка слика во светот”: нападот на претседателот на САД, Доналд Трамп врз слободна трговија, желбата на Кина да стане светска сила, нестабилна Украина и Сирија. И како политиката на САД кон Иран нема никакво поместување.
На крајот од состанокот, учесниците дојдоа до прилично необичен заклучок дека единствената шанса за Германија е да остане во Европа.
“Ако сега не можеме да го обединиме континентот, тоа ќе не разбие на делови”, рече еден од учесниците.
Во прилог на ужасните сценарија на полето на надворешната политика, Меркел ја губи брзо и поддршката на јавноста во својата земја штп би можело да стане сериозен проблем за канцеларката и нејзината влада. Се очекуваше дека ситуацијата, по тешките напрои Меркел да формира коалиција, ќе се врати во својата нормална состојба. Но сепак, се чини дека ова ја ослаби силата на Меркел и во земјата и во странство.