Основното јавно обвинителство од Скопје, по завршената истрага, поднесе обвинителен акт против Љ.С. кој на први јуни годинава пукаше во поранешен министер за здравство Никола Тодоров.
Од ОЈО велат дека:
„Мажот е обвинет за две кривични дела, убиство од член 123 во врска со член 19 и недозволено изработување, држење и тргување со оружје или распрскувачки материи од член 396 од Кривичниот законик. Заедно со обвинителниот акт, надлежниот јавен обвинител до судот поднесе и предлог за продолжување на мерката – притвор поради постоење на опасност од бегство на обвинетиот и опасност од извршување на обиденото кривично дело“.