Огромен постер со ликот на рускиот претседател Владимр Путин бил поставен на бруклинската страна на мостот на Менхетен во Њујорк
На постерот покрај ликот на Путин биле и руското и сириското знаме и со големи букви било испишано „миротворец“. Весникот Њујорк пост, повикувајќи се на очевидци објави дека постерот го поставиле две лица вчера околу 14 часот по локално време.
Еден час потоа полицијата го отстранила.
Се претпоставува дека постерот, со големина шест на девет метри е поставен во „чест“ на роденденот на Путин, кој денеска полни 64 години.
Полицијата започна истрага за случајот, но досега никој не е приведен.