Американската медиумска платформа за медицински совети, Healthline, веќе 15 години прогласува една кујна за најздрава во светот – грчката.
Како што истакнува Healthline, грчката кујна ја подобрува состојбата на целокупното здравје, но кожата и косата исто така најчесто се препорачуваат од нутриционистите.
Грчката кујна е совршена форма на медитеранска исхрана, која потекнува од Крит, каде што локалното население има просечно подолг животен век и помал ризик од срцеви заболувања, благодарение на храната што ја консумира – се наведува на оваа страница.
Тие додаваат дека она што ја прави грчката диета посебна е тоа што секој дел од земјата има своја микроклима, така што земјоделските производи се разликуваат низ целата земја. Покрај тоа, маснотиите се внесуваат повеќе преку маслиново масло и ореви отколку преку месо, додека овошјето и зеленчукот се незаменлив дел од речиси секое јадење. Иако најпознатите калорични специјалитети во светот се сувлаки и мусака, постојат голем број поздрави опции базирани на мешунки, риба и салати.
Како што истакнува Кит Ајуб, нутриционист и професор на Медицинскиот колеџ Алберт Ајнштајн во Њујорк, „Грчката кујна е пример дека здравата исхрана не мора да биде здодевна и дека луѓето можат да уживаат во вкусни закуски без да му наштетат на своето тело“.
