Kирил Лазаров е новиот селектор на македонската ракометна репрезентација. Управниот одбор на ракометната федерација, на последниот состанок го назначи капитенот Кире Лазаров за оваа позиција, а потврдата дојде од првиот човек на домашниот ракомет, Живко Мукаетов.
Лазаров истакна дека е подготвен да и биде на располагање на Македонија од март, кога планира да го открие поширокиот список од 35 ракометари. Лазаров ќе бара нови сили за македонската репрезентација, кои во иднина ќе бидат носители на играта во европските натпреварувања.
Лазаров потпиша петогодишен договор, додека работата официјално ќе ја започне на 4 март.